هنقدملكم فى المقال ده خمس نصائه مهمة جدا يجب مراعتها فى كتابة المحتوى التسويقى الخاص بك اللى لو طبقتها هتحس أكيد بالفرق على شغلك.
محتوى هادف
دايما حاول تخلى المحتوى بتاع موقعك أو صفحتك أو أى مكان انت هتسوق فيه نفسك هو محتوى هادف للعميل بمعنى انه بيكون بيقدمله معلومات مفيده لشغله عشان يبقى فيه مصداقية فى الموضوع.
محتوى مختصر
خليك فاكر دايما ان (خير الكلام ما قل ودل) فبرضه مش لازم تكتب محتوى كبير عشان اللى بيقرا ما يملش .
محتوى مفهوم
مهم جدا وانت بكتب المحتوى بتاعك لازم تكون لغته خاصة بيك انت عشان تبقى مميز وبتعبر عن شخصية اللى بتسوقه وفى نفس الوقت تكون بسيطه مش مسفه.
محتوى منسق
العين بتقرا الحاجه اللى تريحها فلازم تراعى الألوان اللى بتكتب بيها المحتوى عشان ما تتعبش عين اللى بيقرا لأانه ممكن يكون محتوى قوى لكن ألوانه مستفزه أو تضايق اللى بيشوفها.
محتوى خاص
أيًا كان نوع المحتوى اللى بتكتبه لازم تكتبه انت بنفسك لأسباب كتير هنشرحها بعد كده بالتفصيل بس اهمهم ان لازم تعرف ان فيه غيرك كتير بيقدم نفس المنتج أو الخدمة اللى انت بتقدمها فلازم تكتب المحتوى من واقع خبرتك باللى بتكتبه أو من خلال المعلومات اللى بتجمعها عنه ولكن بعد ما تعمل تنقيح للمعلومات دى وتعيد صياغة المحتوى بشكل محترف وتراعى فيه كل النصائح اللى فوق دى.
هنحاول على قد ما نقدر ننشرلكم كل اللى يقدر يفيدكوا فى شغلكوا من خلال تجاربنا الشخصية وخبرتنا فى مجال الاعمال والتسويق
والجودة.
0 comments:
Post a Comment